«Սիս-Ալպ» ընկերությունն իր գործնեությունը սկսել է 2008 թվականին Սյունիքի մարզի Սիսիան քաղաքում: Ընկերության արտադրանքը պատրաստվում է Սիսիանի ալպիական մարգագետիններից մթերված կաթով: Գործարանը հագեցած է ժամանակակից նորագույն սարքավորումներով, կաթի և պատրաստի արտադրանքի որակի ստուգման լաբորատորիներով, ջերմային ռեժիմները հստակ պահպանող պահեստային տարածքներով և այլ օժանդակ կառույցներով, որոնք համապատասխանում են սանիտարական նորմերին և միջազգային չափանիշներին: Ընկերությունում աշխատում են արհեստավարժ մասնագետներ, որոնք պարբերաբար վերապատրաստվում են:

Անձնակազմի հետևողական աշխատանքի, ժամանակակից սարքավորումների և ավանդական տեխնոլոգիաների կիրառման շնորհիվ ալպիական մարգագետիններից մթերված կաթը դառնում է որակյալ, համեղ և առողջարար կաթնամթերք:

Արտադրվում են պանիրներ ՝ «Լոռի», «Չանախ», «Չանախ Պրեմիում», «Չանախ ուրցով», Սիսիան», «Սուլուգունի», «Սուլուգունի ապխտած», «Հորած պանիր», և անարատ կաթնամթերք ՝ Մածուն, Քամած մածուն, Թթվասեր, Սերուցք, Կաթնաշոռ, Կաթ, Կեֆիր, Թան, Հալած յուղ, Պսկաթան 

Գրեթե ամեն տարի նոր արտադրատեսակ է առաջարկվում շուկային:

Շուկայում հայտնի է «ՍԻՍԻԱՆ ԿԱԹ» և «SISALPDAIRY» ապրանքանիշերով, որպես բարձրորակ կաթնամթերք:

Ընկերության ապրանքատեսակները ներկայացվում են տարբեր ցուցահանդեսներում:

2017 թականին ընկերությունում ներդրվել է ISO 22000: 2005 որակի կառավարման համակարգը և սերտիֆիկացվել:

Առջևում անելիքներ շատ կան, կազմակերպության առջև դրված են հստակ նպատակներ, որոնք քայլ առ քայլ իրականանում են սահմանված ժամկետներում:

«Գնահատեք Ձեր առողջությունը»: